Þjóðaratkvæðagreiðsla um ESB aðild:

Vandi þjóðaratkvæðagreiðslna er að spurningar þurfa að vera skýrar og að það sé helst hægt að svara þeim með já og nei. Að spurningar séu ekki þannig orðaðar að þær megi túlka á ólíka vegu. Að það sé vitað hvað á að gera við niðurstöðuna. Að málefnaleg kynning fari fram, þar sem yfirleitt eru á ferðinni stórmál fyrir þjóðina. Varðandi kynningu álít ég að við stöndum betur að vígi í ESB málinu en öðrum sem skotið hefur til þjóðarinnar.
Ég hef hér stillt upp nokkrum spurningum til gamans.

• Ég vil strax slíta núverandi aðildarviðræðum,
• Ég vil klára núverandi aðildarviðræður, og ákveða svo næstu skref,
• Ég er mjög hlynntur aðild að ESB. ( Hvers vegna væri gaman að vita ),
• Ég er andvígur aðild að ESB. Hvers vegna ?

o Afsal á fullveldi,
o Þýðir endalok íslensks landbúnaðar,
o Við missum yfirráð yfir auðlindum okkar.

• Ég vil í ESB, því þá eigum við kost á, traustri alþjóðlegri mynt.

Á Ísland að ganga í ESB ?   Spurningin er, er þetta dæmigerð já og nei spurning. Varla, dæmi:

• Svar mitt er já ef við fáum góðan samning,
• Svar mitt er nei, af því að við höfum EES samninginn og hann nægir mér,
• Svar mitt er já, því ég óttast að EES samningurinn líði undir lok.

Þegar maður horfir á þessa mynd kemur eftirfarandi upp í hugann:

• Í rauninni er þetta ekki kosning um einfalda og skýra kosti. Þetta er frekar skoðanakönnun. Útfærslan ætti því að vera vönduð og ítarleg skoðanakönnun,
• Slík könnun, gæfi miklu betri mynd af raunverulegum vilja þjóðarinnar í þessu máli. Ef það er þá raunverulega það sem menn vilja - að fá fram vilja þjóðarinnar.
• Það á að gleyma öllum hugmyndum um þjóðaratkvæðagreiðslu samhliða sveitarstjórnakosningum. ESB aðild - kosning er stórmál og verður að standa ein og sér. Að hafa hana samhliða öðrum kosningum, þýðir að slík kosning skyggir á sveitarsjónarmál, sem er mjög óheppilegt.

Ég skil því vel að okkar nýju ráðherrar vilji hugsa þetta mál vel og vandlega.

Athugasemdir

[S i g u r ð u r S i g u r ð a r s o n, 10.7.2013 kl. 14:31]

Ekki er hægt að spyrja um samning vegna þess að aðlögunarviðræðurnar ganga ekki út á samningsgerð.

Markmiðið er að ríki sýni hvernig það hefur breytt eða ætli að breyta lögum og reglum og stjórnsýslu til samræmis við það sem ESB krefst í 35 svonefndum köflum. 

Þessir kaflar eru ekki umsemjanlegir nema að óverulegu leyti.

Aðildarumsókn að ESB er ekki ætluð sem tilraunastarfsemi ríkis heldur bláköld alvara, að aðlaga ríki að sambandinu.

Öllu hinu gagnstæða hefur verið haldið fram af aðildarsinnum hér á landi og margir hafa blákalt logið um tilgang aðildarumsóknarinnar.

[Rafn Guðmundsson, 10.7.2013 kl. 22:37]

ég er ekki sammála þér - það þarf bara að kjósa um hvort halda á áfram samningum við ESB eða ekki. flott og lítið mál að gera það samhliða sveitarstjórnakosningum

[S i g u r ð u r S i g u r ð a r s o n, 11.7.2013 kl. 07:27]

Rafn, ef þú át við mig, þá máttu vera ósammála fram í rauðan dauðann, en ofangreint er ekki mín skoðun heldur blákaldar staðreyndir sem ESB gefur út. Þú þarft endilega að kynna þér yfirlýsingar ESB um aðildarumsóknir.

[Jón Atli Kristjánsson, 11.7.2013 kl. 10:41]

Sæll félagi Sigurður, ég var í þessum pistli að fjalla um margumrædda þjóðaratkvæðagreiðslu.  Var með hugleiðinga um að hún væri ekki einfalt mál. Hef að sjálfsögðu mína skoðun á ESB aðild, en læt þig um þau skrif að sinna. Gaman að heyra frá þér og lesa bloggið þitt, þú ert með duglegri mönnum á þeim vettvangi.  Rafn telur þessa kosningu lítið mál, ef sú kosning á að setja niður deilur um málið, þá tel ég það ekki vera jafn einfalt. Hef verið þeirrar skoðunar að klára hefði átt samninga og kjósa svo um þá.

[Rafn Guðmundsson, 11.7.2013 kl. 11:19]

jón - það verða alltaf deilum um þetta mál. meirihlutinn þarf samt að ráða.