Innilegar jólakveðjur til bloggvina og lesenda.

Óska ykkur öllum gleðilegrar hátíðar og farsæls komandi árs. Þakka innilega skoðanaskipti og samveru á liðnu ári.  Það hefur verið mér mikil ánægja að taka þátt í þessum heimi bloggsins.
Nokkrir bloggvinir hafa hringt og gefið góð ráð. Sumir hafa klappað á bakið á manni og sagt sumt af því sem þú skrifar sé ágætt, umsögn sem alltaf gleður.
Ég hef reynt í mínu bloggi að fara mínar eigin leiðir.  Skrifa um það sem mér finnst áhugavert og gleðst yfir því ef öðrum finnst það líka.  Tek eftir því að stór hópur bloggara tengir blogg sitt fréttum dagsins og almennum dægurmálum. Dett sjálfur  í þetta far, eins og gengur og gerist.
Gleymum ekki að tilefni jólanna og þeirri gleði sem þeim á að vera tengd.  Jólin eru fjölskylduhátíð, því þegar upp er staðið, gildir að maður er manns gaman, og hvað er  gaman að kúldrast einn í sínu horni.
Gleymið heldur ekki að hvíla ykkur um jólin og allt stress á að vera gleymt og grafið.  Sá sem er stressaður á jólunum er að gera of mikið, og þá er spurningin, til hvers er þetta allt gert, ef enginn fær notið hvíldar og friðar ?
Gleðileg jól !!

Athugasemdir

[Sigurður Þorsteinsson, 24.12.2011 kl. 11:03]

Gleðileg jól Jón, óska þér farsældar á komandi ári.