Ungir menn sem voru keyptir til óhæfuverka.

Nú ætlar sérstakur að reka af sér sliðruorðið og taka til hendinni. Allt mjög gott um það að segja.

Vígvöllurinn í dag er valdheimildir bankastjóra Glitnis og aðstoðarmanns hans. Málið lítur þannig út að bankastjórinn hafa upp á sitt einsdæmi og mögulega í óleyfi lánað „ vinum „ sínum, sem óvart voru stóreigendur bankans, óheyrilegt fé og þannig vísvitandi sett bankann á hausinn. Það er einnig upplýst að þessi umrædd lánveiting, þó há væru, var aðeins hluti af miklu stærri fléttu, tengdri eigendum bankans.
Það þarf ekki mikla speki til að sjá að þessum málum var ekki ráðið af bankastjóranum, þar voru miklu stærri mál undir, mál eigenda bankans. Þeirra þræðir voru ofnir úti í bæ og höfðu svo sín tengsl inn í bankaráð bankans.

Ungu mennirnir í fínu jakkafötunum voru aðeins handbendi eigenda bankans í því að „ ræna bankann „  fallegur frontur.  Þessir ungu menn voru valdir skipulega, voru áberandi, vel menntaðir, myndarlegir, og pössuðu vel inn í þann hóp af öðru ungu fólki, sem ráðið var í bankana.  Þeir voru einnig skipulega  innlimaðir í klanið, fengu bónusa og kauprétt í hlutabréfum, til að þeir fengju hið rétta viðhorf. Þeir fengu að ráða miklu þegar vel gekk, enn þegar fór að þyngjast, tóku aðrir hagsmunir við, hinir raunverulegu valdamenn, útrásarvíkingarnir,  tóku yfir.

Það er auðvelt að beina kastljósinu að bankastjóranum. Hann hafði jú hið formlega vald, enn allir vita hvar hið raunverulega vald lá.  Allt þetta veit sérstakur og við hin og vonandi, gerist það ekki, að bakari verður hengdur fyrir smið.

Athugasemdir

[Sigurður Þorsteinsson, 21.12.2011 kl. 09:43]

Dómurinn yfir stórlöxunum bíður og margir óttast að sá dómur komi aldrei, málið falli á tíma. Maður spyr sig hvort ekki væri hægt að kæra stórlaxana í smáskömmtum. Þannig fái þeir dóma, sem síðan safnist upp. 5 ára fangelsi nú, 6 á næsta ári, þannig að samanlögð fangelsisvist gæti orðið 180 ár.

Af einhverjum ástæðum hef ég ekki trú á að Fréttablaðið eða Stöð 2 taki undir þessa hugmynd hjá mér.  

[Jón Atli Kristjánsson, 21.12.2011 kl. 15:16]

Áhugaverð hugmynd fyrir réttarkerfið, ef kerfið er sprungið eins og það er, þá er ekki von á góðu í nýja kerfinu !  Tek fram að ég er í mínu bloggi ekki að bera blak af neinum, sem hefur brotið af sér.

[Kristinn Pétursson, 21.12.2011 kl. 20:19]

Ræðum kjarna málsins - veðsetningu aflaheimilda.

Bankarnir virðast hafa "misnotað" útgerðarfyrirtæki landsins - svipað og stofnfjáreigendur - talið þeim trú um að hækka og hækka verð aflaheimilda - langt umfram það sem hægt var raunverulega að endurgreiða bankanum....

af hverju????

Var það ekki beinlínis til að misnota svo skuldabréfin - eins og komið hefur fram að var gert...

Eru þá ekki lán til útgerða - a.m.k jafn ólögleg - og lán til stofnfjáreigenda - + það að bannað er að veðsetja aflaheimildir - samkvæmt lögum um samningsveð... sem gerir  veðsetningu aflaheimilda enn ólöglegri - en  veðsetningu  stofnbréfa sparisjóða?

[Geir Agnar Guðsteinsson, 21.12.2011 kl. 23:39]

Er nú ekki svo viss um þessa sakleysinga, þessir ungu menn ætluðu að vera snöggríkir og vissu vel hvað þeir voru að gera, ekki bara hjá Glitni heldur einnig hjá Kaupþingi og Landsbankanum. Vonandi ,,hremmir" réttlætið þetta fólk allt saman, við eigum heimtingu á því sem stóðum utan við þetta en furðuðum okkur t.d. á ofurlaunum þessara manna. Svei attan!!

[Jón Atli Kristjánsson, 22.12.2011 kl. 23:44]

Sæll Kristinn, gaman að heyra frá þér. Vona að þú og þínir hafi það sem best ! Þakka okkar gömlu og góðu kynni. 

Vil minna á andrúmsloftið sem var á þessum " útrásarárum "  Allt hækkaði í verði og ef hækkunin var ekki 50% á ári þá var allt ómögulegt. Allar ákvarðanir sem teknar eru undir svona krigumstæður eru algert brjálæði, að ég tali nú ekki um sé litið á þetta út frá stöðunni í dag.. Ég man að við ræddum  þetta, enginn gat skilið þessa verðlagninu, jafnvel þó um jaðarverð væri að ræða.

Það er mjög áhugavert það sem þú bendir á með ólöglegu lánin til útgerðarinnar. Miklir hagsmunir í þessum potti og því ætti þetta að skoðast.  Það að bankarnir með alla sína lögfræðinga voru á 5-10 ára tímabili að lána ólögleg lán, hlýtur að vera heimsmet.

Sæll félagi Geir. Markaðsmisnotkun er að koma fram sem þungamiðja rannsókna sérstaks saksóknara. Það kemur ekki á óvart. Það er alveg ljóst að bankamennirnir tóku fullan þátt í þeim leik.  Dyggilega studdir af eigendum bankanna, því öll spilaborgin stóð og féll með verðmæti hlutabréfa í bönkunum. Þann dag sem verðið lækkaði, hefði spilabogin hrunið undan eigin þunga. Það þurfti enga alþjóðlega kreppu til þess. Já græðgin var mikil á þessum tíma.  Ég vona hinsvegar að sérstakur hafi ekki gefist upp á að finna falda peninga, svona til að borga inn á allan kostnaðinn.