Hin hliðin á lýðræðinu.

Dagana 6-9 desember s.l. gerði MMR alvöru skoðanakönnun úr hópi 12.000 álitsgjafa sinna.  Frá þessari könnun segir Fréttabalðið 17.12.  Úrtakið var 865 og svarhlutfall að meðaltali 60%. Spurt var hvaða stjórnmálaflokk þátttakendur treystu best til að leiða tilgreina 12 málaflokka:
1. Skattamál,
2. Heilbrigðismál,
3. Lög og regla almennt,
4. Atvinnuleysi,
5. Innflytjendamál,
6. Mennta - og skólamál,
7. Umhverfismál,
8. Efnahagsmál almennt,
9. Endurreisn atvinnulífs,
10. Nýting náttúruauðlinda,
11. Samningur um aðild að ESB,
12. Rannsókn á tildrögum bankahrunsins.

Það sem er áhugavert við þessa könnun er að hún hefur verið gerð 4 sinnum frá apríl 2009.  Í þeirri könnun var mikið traust borið til stjórnarflokkanna, en það hefur nú sannarlega snúist við.
Núverandi stjórnarflokkar fá  í dag 31% fylgi eða 22 þingmenn. Stjórnin er því kolfallin.

Sjálfstæðisflokkurinn fengi einn 38,5% eða 29 þingmenn og Framsókn fengi 12, ef kosið væru nú.
Af fyrrgreindum málaflokkum treysta þáttakendur Sjálfstæðisflokknum best til að leiða 10 flokka af fyrrgreindum 12.  VG var treyst til að leiða 2 málaflokka, umhverfismál og rannsókn á bankahruninu.

Hin hliðin á lýðræðinu er að í dag situr ríkisstjórn rúin trausti, studd af 1/3 „ þjóðarinnar „ og ætti með réttu að fara frá.  Það mun hún væntanlega ekki gera og ætlar að sitja meðan sætt er.

Athugasemdir

[Arnar Geir Kárason (IP-tala skráð) 19.12.2011 kl. 19:45]

Auðvitað er þetta áhugavert. Ríkisstjórn með ábyrgðartilfinningu myndi segja af sér og boða til kosninga. Þeir sem eru hvað mest á móti  vinstri öflunum, vilja að ríkisstjórnin sitji út kjörtímabilið, því þá hafi fólkið í landinu fengið sig svo mikið fullsatt af vinstri öflunum að þau muni ekki koma til starfa aftur. Það yrði  hins vegar dýrkeypt fyrir þá verst settu í þjóðfélaginu.

[Jón Atli Kristjánsson, 20.12.2011 kl. 09:47]

Alveg sammála þér Arnar, þess vegna tala ég um hina hliðina á lýðræðinu. Það eru jú kosningar á 4 ára fresti !!