Olíuleit og auðlindir á Grænlandi.

Það er eðlilegt að við fylgjumst vel með auðlindarannsóknum  og auðlindanýtingu nágranna okkar á Grænlandi.

• Í fyrsta landi er landið risastórt og ókannað,
• Verðmæt jarðefni hafa fundist á Grænlandi og má þar tala um gull og gersemar,
• Miklar líkur eru á að olíu sé að finna í hafinu, beggja vegna, þ.e. vestan og austan,
• Hlínun jarðar gerir að jökullinn hopar og stærri landsvæði koma í ljós.

Grænland er nú þegar mjög áhugaverður kostur fyrir fjárfesta í námurekstri og vitað er af mögulegum olíusvæðum.  Á Norðaustur Grænlandi, sem er hluti af Jan Mayen hryggnum og flekaskilum eru möguleikar á olíu en þetta svæði  tengist  okkar Drekasvæði.

Þegar skoska olíufélagið Cairn Energy byrjaði að leita olíu við Norðvestur Grænland, urðu strax til miklar væntingar um að Grænland væri að verða olíuland, og fréttir bárust um áhugaverðar vísbendingar. Nýjustu fréttir um að félagið hafi nú frestað frekari borunum eru því mikil vonbrigði.

 
Á s.l. 2 árum hefur félagið borað 8 tilraunholur án árangurs. Ekki hefur komið fram hvað félagið hefur eytt í þessar tilraunir, en ætla má að það sé ekki minna en billjón $.  Vandi Cairn er að þetta er ekki stórt félag og langt frá því að vera eitt af þeim stóru.  Það átti olíuframleiðslu á Indlandi sem það seldi og notaði þá peninga á Grænlandi. Líklegast er að peningarnir séu búnir og nú þurfi félagið að endurmeta stöðuna. Félagið tók mikla áhættu, sem ekki gekk upp, eigendur eru fúlir og hlutbréfin lækka í verði.

Olíuleit er dýrt fyrirtæki og það þarf mikið fjárhagslegt afl til að standa í þessum buisiness.

• Eitt er að finna olíu,
• Hún verður að vera í vinnanlegu magni,
• Það þarf að koma henni í land og í vinnslu, allt kostar þetta óheyrilegt fé.

Fyrir okkur íslendinga er þetta allt áhugavert í tengslum við okkar Drekasvæði. Segir okkur að við verðum að fá til samstarfs öfluga aðila, ekki lukkuriddara sem ekkert gera eða geta.

Athugasemdir

[Ómar Bjarki Smárason, 2.12.2011 kl. 21:49]

Það eru miklar auðlindir á Grænlandi og gott að halda því til haga og benda íslenskum fjárfestum (ef þeir eru þá til sem eiga peninga, en ekki bara lánsloforð og annarra fé) á þann möguleika að vinna með Grænlendingum. En eitthvað hefur gengið illa að finna þarna olíu, því ef mig minnir rétt þá boraði StatOil á Fylla svæðinu fyrir nokkrum árum með litlum árangri. Hugsanlegt er þó að þeir hafi verið að kanna svæðið og láti niðurstöður ekki frá sér en hugsi sér að koma þarna síðar. Maður veit ekki alveg hvaða taktík fyrirtæki í þessum geira beita til að missa ekki álitleg svæði frá sér, sem verða verðmætari eftir því sem meira gengur á olíubirgðir heimsins. En þarna eru málmar í jörðu og örugglega mikil og lítt könnuð svæði sem vert er að huga að eftir því sem aðstæður gera þessi svæði aðgengilegri.

[Jón Atli Kristjánsson, 2.12.2011 kl. 23:51]

Sæll Ómar Bjarki.  Alveg sammála þér, það virðist oft langt til Grænlands frá Íslandi þó þetta séu nágrannar okkar og vinir. Við höfum haft talsverða samvinnu við þá í fiskinum, enn minna  í námurekstri.  Þó eru ( voru )  íslendingar aðilar að rekstri gullnámu þarna !!