Er eitthvað sérstakt að frétta af sérstökum saksóknara.

Nei það er ekkert af hans störfum að frétta, nema þá að fyrir hans embætti vinna í dag um 70-80 manns.
Fjölmiðlar er blessunarlega löngu hættir að spyrjast fyrir um hans störf, enda má maðurinn ekkert segja, gæti spillt rannsóknarhagsmunum.
Nú eru að verða 3 ár liðin frá hruni og meint brot sakborninga gætu verið ennþá eldri í tíma. Allt rykfellur þetta mál fljótt, skyldu sakborningar t.d. geyma heima hjá sér gögn, sem þeim kæmi mjög illa ef fynndust. Varla !!
Um 100 manns hafa stöðu grunaðra, hjá sérstökum. Þessi hópur getur ekki átt náðuga daga. Hver vill ráða  þetta fólk í vinnu, hvernig getur það og fjölskyldur þess framfleytt sér, hvernig líður þessu fólki, að hafa þessi mál hangandi yfir sér. Nú gæti einhver sagt, hvers vegna að hafa samúð með þessum aðilum, þessum aðilum sem settu okkur á hausinn. Alls ekki óeðlileg spurning, en gleymum því ekki að engin sök hefur verið sönnuð á hendur þessum aðilum, þeir gætu þess vegna verið blásaklausir, en sitja samt í „ fangelsi" hins grunaða.
Við íslendingar getur ekki stært okkur af löngum afrekalista, þar sem „ hvítflibba skúrkar" hafa verið settir á bakvið lás og slá. Olíusamráðsmálið, hvar er það, Baugsmálið og fyrstu kærur í því máli voru ekki skiljanlegar nokkrum manni og svo má áfram halda.  Það sannast mögulega að armur réttlætisins, vinnur seint er vinnur þó, eitthvað eru þessir 80 að gera.
Við erum þó klár á einu og það er að við búum í réttarríki. Við búum örugglega í réttarríki smámálanna en hvað um þau stóru? Í málum fjármálahrunsins erum við að falla á tíma. Við erum að falla á tíma í þeim skilningi, að réttlætisfilfinningu fólks er misboðið. Þegar eitthvað gerist eru allir búnir að gleyma glæpnum, skúrkurinn er orðinn heiðarlegur maður og vinnur  erlendis. Það eru komnir nýjir skúrkar og menn segja í næsta jólaboði, ég var nú aldrei trúaður á að neitt kæmi út úr þessu !!  Hún Eva Joly, var nú samt svakalega klár kelling.

Athugasemdir

[Sigurður Þorsteinsson, 27.9.2011 kl. 08:24]

Já, Sérstakur saksóknari. Ég var búinn að gleyma að það embætti væri til. Eru einhverjir að ýta á árangur á þeim bæ? Flott innlegg!

[Sigurbjörg Eiríksdóttir, 27.9.2011 kl. 09:01]

Já hvernig gengur?! Flott hjá þér Jón Atli.

[Sigurbjörg Eiríksdóttir, 27.9.2011 kl. 09:04]

"Baugsmálið og fyrstu kærur í því máli voru ekki skiljanlegar nokkrum manni"

Svo sannarlega rétt..og svo halda þessir hvítflibba og hárlubbastrákar áfram eins og ekkert hafi í skorist!!

[Gunnlaugur I., 27.9.2011 kl. 15:59]

Þetta fer að líkjast sögunni "The never ending Story"

Hvað dvelur orminn langa. Er þessum fjármunum sem í þetta hafa farið bara kastað á glæ.

Þolinmæði fólks gagnvart störfum og árangursleysi hjá "Sérstökum" og stofnun hans er að komast á endapunkt !

[Jón Atli Kristjánsson, 27.9.2011 kl. 22:18]

Takk fyrir innlitið öll. Nú hafa 2 nýjar rannsóknarnefndir verið settar á fót. Bítur þetta mögulega allt í skottið á sér á endanum, að sett verður upp " sérstök " rannsóknarnefnd til að rannsaka sérstakan.