Næstu kosningar snúast um ESB.

Stóra málið í næstu kosningum verður ESB aðild. Þegar nær dregur kosningum verða skýrari línur komnar í viðræðurnar við ESB.  Flokkarnir munu finna já eða nei skoðunum sínum frekari rök. Stjórnmálaflokkarnir mun haga málflutningi sínum með tilliti til þessa.  Deilt verður um það hvort eigi að fara fram þjóðaratkvæðagreiðsla um ESB aðild eða ekki.   Vegna þessa máls mun talsvert fylgi flytjast á milli núverandi flokka og jafnframt mun óákveðna fylgið ákveða sig.

Staðan í dag er 35% með og 65% á móti aðild.  Ólíklegt er að það muni breytast. Breytist sú staða er það alfarið yngri og óákveðnir kjósendur sem munu breyta þeirri stöðu. Í Sjálfstæðisflokknum má ætla að 80% séu á móti ESB.

Ekki þarf að rifja það upp hversu nátengd við erum nú þegar ESB, vegna EFTA aðildar okkar. Það að við höldum áfram að taka upp regluverk og lagaumhverfi ESB verður almennt að telja jákvætt, sérstaklega í ljósi viðskiptahagsmuna okkar. Þó verða alltaf einhver dæmi um annakanalegheit og ónauðsynlega hluti, séð frá þörfum okkar dvergsamfélags. Sameiginlegi vinnumarkaðurinn er nú einnig farinn að vinna með okkur, sérstaklega er varðar Noreg. 

Þrátt fyrir að margir íslendingar þekki vel til í Evrópu, hafi búið þar og hafi þar margþætt tengsl, er einnig stór hópur sem hefur engar tilfinningar fyrir þessu svæði. Til þess erum við of langt í burtu.

Allri umræðu um ESB aðild þarf að gefa tíma. Við verðum að vera minnug þess að góðir hlutir gerast hægt 10-20 ár eru ekki langur tími í lífi okkar þjóðar. Sú hraðleið sem sumir vilja hafa varðandi ESB, er á misskilningi byggð, þessari umræðu þarf að gefa langan tíma. Hún á bláttáfram að taka langan tíma. Við höfum einnig þennan tíma. Hvað er það eiginlega sem þrýstir á okkur, erum við að missa af einhverju.

Það má vel vera að ESB verði kostur fyrir okkur, sá tími er ekki komin. ESB á sér 50 ára sögu, sem er ekki langur tími í veraldarsögunni. Gjörólíkar þjóðir eru nú í bandalaginu. Tökum gömlu austantjaldsþjóðirnar, sem hafa búið við miðstýrt hagkerfi og socialisma. Snú þessar þjóðir við blaðinu á einni nóttu. Nei, samræming kerfa og lífsviðhorfa mun taka áratugi.

Í pólitík á Íslandi kann ESB, að vera eitrað peð. Samfylkingin gæti safnað til sín ESB áhugamönnum og stækkað sem stjórnmálaflokkur, enn með hverjum gætu þeir unnið í framhaldi ?

Athugasemdir

[Sigurður Þorsteinsson, 2.9.2011 kl. 09:56]

Góð skrif að vanda. Tek undir með þér það má vel vera að innan 10-20 ára gætum við verið á leiðinni í ESB. Til þess að svo megi verða þarf hugmyndafræðin að vera ljós og umræðan að fara fram. Um 2007 voru um 70% viljug að fara í viðræður við ESB. Meira að segja þá var rætt um viðræður. Ef spurt hefði verið hverjir vildu sækja um aðild að ESB og hefja aðlögun hafði stuðnigurinn eflaust farið í 35%. Þannig að strax í byrjun var farið i vegferðina með blekkingum.

Uffe Ellemann-Jensen hefur ítrekað sagt að við Íslendingar þurfum að gera okkur grein fyrir því að ef æltuðum að fara inn ættum við að fara inn á réttum forsendum. Efnahagsleg rök eins og lægri vextir, lægra matvælaverð osfrv. orkuðu mjög tvímælis og væri ekki réttur grundvöllur fyrir inngögnu. Við þyrftum að skilja hugmyndafræðina og fara inn á þeim ástæðum. Sú hugmyndafræði höðfðar hins vegar ekki til Íslandinga og þess vegna fer umræðan ekki fram. Nágranni minn heldur að af við gögnum í ESB hætti hundurinn hans að fara úr hárum. Ég hef sagt honum að þó hundkvikindið hans myndi hætta að skíta við innganginn í húsið hjá mér vegna inngöngu í ESB, væru það ekki næg rök.

Það má vel vera að einhverjir styðji ESB, til þess að losana við núverandi stjórnvöld. Ég held að það sé hægt að losna við þau á einfaldari hátt.  

[Eyjólfur Jónsson, 2.9.2011 kl. 13:09]

Jú það eru víst einhverjir búnir að færa rök fyrir þessu með að hundurinn skíti allt annarsstað og aðrir trúa annarri fádæma vitleysu. Umræður á Íslandi eru ekki alvöru umræður, það er ekki þroski í þjóðfélaginu til að vera með alvöru umræður um svona mál.