Stjórnlagaráð og nýjar hugmyndir um kosningar til Alþingis.

Í tillögum ráðsins um þetta efni er vissulega að finna áhugaverðar hugmyndir. Mögulega ekki að furða þar sem innanbúðar í ráðinu er einn helsti kosningaspekingur þjóðarinnar.

Það er alveg tímabært að jafna vægi atkvæða milli kjördæma eins og ráðið leggur til. Flest rök fyrir því að hafa þetta öðruvísi eru úr gildi fallin.   Ef tekið er mið af niðurstöðum kosninga 2009 þýðir jöfnun eftirfarandi m.v. núverandi kjördæmi:

                        Fjöldi þingamanna nú          Eftir jöfnun              Mismunur.

Reykjavík,                 22                               24                               +2

Suðvestur,                11                               16                               +5

Norðvestur,               10                               6                                  -4

Norðaustur,               10                               8                                  -2

Suður,                      10                               9                                  -1

 Samtals                   63                               63

Haldið er í kjördæmin, en landið ekki gert að einu kjördæmi, sem ég tel farsæla ákvöðrun, en þau eru nú 6. Ráðið bendir á að þau gætu verið alls 8, skynsamlegur varnagli, þar sem landsbyggðarkjördæmin eru á mörkum þess að vera of stór.

Framboð geta verið lands - eða kjördæmaframboð, góð hugmynd, sem leysir ákveðinn vanda minni framboða.

Athygli vekur, að ekki lagt til að fækka þingmönnum, og ekkert er rætt þröskulda eða lágmörk fyrir ný og eða minni framboð.

Hlutfallskosning er í heiðri höfð en gerð er tillaga um mögulegt persónukjör. Vilji ráðsins er hér ljós, en útfærslan látin bíða seinni tíma útfærslu, eins og jöfnun kynja á Alþingi.

Ráðið leggur hér megin línur, stór álitamál bíða útfærslu, og þá í nýjum kosningalögum.

Hugmyndir ráðsins um hina blönduðu leið persónukjörs og hlutfallskosninga, er vægt til orða tekið umdeild og snýr m.a. að starfi stjórnmálaflokka og áralöngum venjum í kosningaframkvæmdinni.  Þessi mál hafa lítið verið mikið rædd og reynslan kennir okkur að fara okkur hægt í allar breytingar.  Hvað sem líður blessaðri tækninni, mun persónukjör auka flækjustig framkvæmdar og talningar verulega.

Stjórnlagaráð hefur haft til meðferðar flókin og umdeild mál. Ráðsmenn hafa augljóslega lagt sig fram um að vinna faglega og eiga heiður skilið fyrir starf sitt.

Athugasemdir

[Sigurður Þorsteinsson, 29.7.2011 kl. 22:23]

Það eru fáir menn sem ég tæki meira mark á en Jón Atli Kristjánsson þegar fjallað er um kosningamál. Ég játa að mér finnast þessar hugmyndir athyglisverðar, en ég þarf að melta þær.

[Geir Agnar Guðsteinsson, 30.7.2011 kl. 00:19]

Margt athyglisvert. Held að persónukjör sé til bóta. Hvað gerir Alþingi við tillögurnar er svo annað mál. Held að það sé langt í þjóðaratkvæðagreiðslu um nýja stjórnarskrá, málið mun þvælast fyrir vanhæfum embættismönnum. Því miður.

[Jón Atli Kristjánsson, 30.7.2011 kl. 16:45]

Ágætu félagar, takk fyrir innlitið.  Breytingar á stjórnarskránni, þurfa að samþykkjast á 2 þingum með almennar þingkosningar á milli. Þetta er ekki einfalt. Nú hafa tillögur stjórnlagaráðs verið afhentar Alþingi. Mikilvægt skref hefur verið stigið, margar góðar hugmyndir, og aðrar umdeilanlegri. Nú þarf vinnan að halda áfram hjá Alþingi, ítarlegri skoðun á mörgum hlutum. Stóra pólitíska spurningin er hvort Sjálfstæðisflokkurinn kemur að þeirri vinnu og þá með hvaða hugarfari !!