Fjöldi fyrirtækja á leið í þrot.

Það fer ekki mikið fyrir þeirri staðreynd að 1500 lítil og meðalstór fyrirtæki eru á leið í þrot.

• 6.000 fyrirtæki lítil og meðalstór skulda á bilinu 10- 1.000 milljónir króna.
• Af þessum 6.000 eru 2.000 ekki í greiðsluvanda, þá eru 4.000 eftir,
• Af þessum 4.000 eru:
• o 1.500 á leið í gjaldþrot,
• o 500 eru enn í skoðun hjá bönkunum vegna skuldavanda,
• o 2.000 hafa fengið úrlausn í bankakerfinu, með úrlausnaraðferðum „ beinu brautarinnar.

Það eru helst gjaldþrot fyrirtækja útrásarvíkinga sem rata á síður blaða og í fjölmiðla.  Gjaldþrot fyrirtækja eru hinsvegar alltaf „ sorgleg „ þar sem á ferðinni eru brostnar vonir og alltaf mikið eignatjón.

Lína dagsins er gjaldþrot í stað annarra úrlausna eins og nauðasamninga. Það þarf að hreinsa til skilja sauðina frá höfrunum.  Góða business - menn frá hinum slæmu.

Reynslan er hinsvegar sú að við gjaldþrot tapast mikil verðmæti. Verðmæti eigna fyrirtækis í þessari stöðu er í reynd hrakvirði.  Öll óbein verðmæti sem flokka má undir viðskiptavild glatast. Í öllu falli eru það eigendur fyrirtækjanna sem fara illa út úr þessu, tapa öllu sínu.

 

 

Athugasemdir

[Sumarliði Einar Daðason, 19.5.2011 kl. 10:20]

Þetta eru sorglegar staðreyndir. Það eina sem ríkisstjórnin gerir er að hækka skatta og gjöld til þess að tryggja aftökuna og fjölga í þeim hópi.

[Jón Steinar Ragnarsson, 19.5.2011 kl. 11:06]

Hér er ein ástæðan.