Bankarnir „ okkar „

Það er söguleg staðreynd að mikið hefur verið reynt í gegnum árin til að fá erlenda banka til að koma inn á íslenska fjármálamarkaðinn, sem beina eignaraðila og þátttakendur.

Við þekkjum þessar tilraunir í einkavæðingarferli bankanna frá 2003.  Kannanir þessara banka enduðu allar með sama hætti, markaðurinn lítill og það kostaði mikið að byggja upp þekkingu á honum, betra að vinna með heimamönnum, og lána beint „ bestu „ fyrirtækjunum í landinu.

Ein af fáum undantekningum var fjárfesting þýsks einkabanka í einkavæðingu Búnaðarbankans, saga sem oft hefur verið sögð.

Þrátt fyrir þessa forsögu, gerðust áhugaverðir hlutir í einkavæðingu 2, þegar tveir stóru bankanna komust í meirihlutaeigu erlendra kröfuhafa.  Margir þessara kröfuhafa voru erlendar bankastofnanir og sjóðir.

Hér má því segja að langþráður draumur margra hafi ræst, þó þetta væri mögulega svona bakdyramegin.  Sumir gamlir bankamenn létu sig dreyma um það fyrst þessir bankar væru komnir hingað, þá væri með þeim komin inn í íslenskan bankarekstur ný og víðsýnni  sjónarmið en hér hafa verið.  Tengsl þessara aðila myndu efla bankana og skapa þeim nýja stöðu, þrátt fyrir fyrri hremmingar.

Fá merki eru á lofti um að þessu sýn sem hér er lýst sé að gerast. Enn hversvega ekki ?.   

• Aukin atvinnuuppbygging á Íslandi er augljóslega allra hagur,
• Ef þessir aðilar vilja einhverntíman selja þurfa að vera til kaupendur.

Væri ekki tilvalið að þessir huldumenn, eigendur 2ja stóru bankanna láti sjá sig og ræði við okkur hin um hvernig við getum hjálpast að við uppbyggingu Íslands, besta staða fyrir alla !!

 

Athugasemdir

[Sigurður Sigurðsson, 29.4.2011 kl. 16:20]

Ef þetta væru bankar. En margt bendir til þess að þetta séu bara innheimtufyrirtæki fyrir erlendu kröfuhafana.

[Jón Atli Kristjánsson, 29.4.2011 kl. 20:26]

Þannig lítur þetta út. Með þessum hugleiðingum vildi ég breyta því. Tugþúsundir íslendinga eru í viðskiptum við þessa banka. Hvernig væri að þeir létu í sér heyra og gerðu kröfu á eigendur bankanna.  Davíð fór í Kaupþing og tók út alla sína peninga, hann vildi senda skilaboð !!