Evrópskur, norrænn, sameiginlegur vinnumarkaður,

EES samningurinn gerir Evrópu að mestu að einum vinnumarkaði.  Við nutum þessa þegar hér voru um 25.000 erlendir verkamenn við uppbyggingu, á bólutímanum.  Hefðum alls ekki getað bólgnað svona mikið nema með þeirra hjálp.

Nú er hlutverkum skipt, hér koma norskir vinnumiðlarar og boða gull og græna skóga. Okkur vantar iðnaðarmenn, tæknimenn, reyndar fullt af fólki. Við vitum að erlendis vinna 500 íslenskir læknar, eða eru í námi.

Það er með öðrum orðum verðið að bjóða í „ besta"  fólkið okkar menntaða vinnukraftinn. Okkar fólk kemur sér vel og er almennt duglegt. Það er því eftirsótt. Ljóst er að listi yfir atvinnulausa styttist lítið við komu þessara miðlara.

Samtök háskólamanna eru alveg klár á stöðunni. Formælandi þeirra reynir ekki að bera saman kjör síns fólks og á norðurlöndunum, slíkur samanburður vekur aðeins reiði og biturð í þeirra röðum.

Í upphafi kreppunnar komi hingað frændur okkar frá Færeyjum. Þegar þeir miðluðu sinni reynslu var eitt áberandi, mesti skaðinn í þeirra kreppu var að missa „ besta „ fólkið sitt.  Nú eru þeir færri en við, en skilaboðin voru klár.

Nú má snúa þessu alveg við eins og Ragnar Reykhás myndir gera. Auðvitað er Evrópskur vinnumarkaður, guðsblessun, að vinnufærar hendur fái vinnu, vel borgaða vinnu og lífi betra lífi en hér hjá okkur. Þetta, Þetta er alveg klárt og ber að fagna.  Sveltur sitjandi kráka en fljúgandi fær.

Fallegt orð yfir það sem er að gerast er „ aðlögun vinnumarkaðarins „  Sérfræðingar segja okkur, þið verðið eins og allir aðrir að kunna að búa við atvinnuleysi. Full atvinna fyrir alla er draumsýn, horfið í kringum ykkur, hvað sjáið þið.

 

Athugasemdir

[Sigurður Þorsteinsson, 20.4.2011 kl. 08:15]

Jú, jú aðgerðarleysi núverandi ríkisstjórnar gerir það að verkum að gott vel menntað fólk fer. Það er afleitt. Ríkisstjórninni finnst það sýnilega ekkert stórmál, þetta lið kemur aftur. Áherslan er ESB aðild, Stjórnlagaþing, rústun sjálvarútvegsins, og önnur þau ,,gæluverkefni" sem finnast í hugarfylgsnum þeirra.

8,8% atvinnuleysi getur verið ásættanlegt í stærri löndum, en ekki hér. Þá er ekki búandi á Íslandi. Virkjunin þarf að vera meiri.