Skjótar ákvarðanir.

Á útrásartímanum voru menn að leita skýringa á snilld okkar í viðskiptum. Íslenska módelinu. Eitt af því sem þótti einkenna snilli okkar var, skjótar ákvarðanir.

Þegar horft er til baka voru margar af þessu skjótu ákvörðunum, vondar ákvarðanir. Örugglega voru þessum tíma teknar langtum fleiri vondar ákvarðanir en góðar.

Ef skjótar ákvarðanir þýðir illa undirbúnar ákvarðanir er flýtirinn að sjálfsögðu af hinu illa. Mér kemur í hug eitt af elstu trikkum sölumennskunnar.  Láttu kaupandann fá það á tilfinninguna að hann sé að missa af einhverju, þú verður að kaupa strax, annars missirðu, af díl aldarinnar. Það eru allir að kaupa það sem ég hef að selja, ætlar þú ekki að vera með, eða viltu missa af dílnum.  Þú verður að bregðast við núna.

Í rekstrarfræðum fyrirtækja eru hillumetrar af bókum um ákvarðanatöku. Í viðskiptanámi er mikið talað um ákvarðanatöku og kennd aðferðafræði til að taka upplýstar og vandaðar ákvarðanir.  Það hefur komið mér mjög á óvart, hvað lítið af þessari miklu þekkingu er raunveruleg nýtt.  Hvers vegna ?  Algeng skýring tímaskortur, óþjált í notkun.

Ég leyfa mér hinsvegar að halda eftirfarandi fram:

• Það koma alltaf önnur tækifæri, þú missir aldrei af neinu,
• Takir þú tíma í ákvarðanir og notir hann vel, muntu missa af einhverjum dílum, en þeir sem þú gerir eru traustir og þú ert sáttur við þá,
• Ákvarðanir um veigamikla hluti geta og eiga að taka tíma. Að þær taki nokkur ár, á að vera eðlilegt,
• Góður undirbúningur gerir það að verkum ákvarðanir taka sig í rauninni sjálfar.

Næst þegar einhver vill að þú takir skjótar ákvarðanir, hugsar þú,  hvað lærði ég af 2007.

Athugasemdir

[Sigurður Þorsteinsson, 25.3.2011 kl. 20:14]

Mikið rétt. Hröð ákvarðanataka má gjarnan vera til staðar í málefnum eins og hvað á ég að kaupa marga blýanta, eða hvort á ég að kaupa tvo lítra eða þrjá lítra af mjólk. Geri ég mistök þá skaðast ég ekki svo mikið. Stóru ákvarðanirnar þurfa lengri tíma og mikið af upplýsingum Er ekki sagt að ef einstaklingur tekur slíkar ákvarðanir þyki það gott að 55% ákvarðana séu réttar. Ef fleiri koma að ákvörðuninni, vel á minnst með viðbótarþekkingu og eða reynslu þá eru meiri líkur að ákvörðunin sé góð.

Svo taka 10 bæjarfulltrúar flóknar ákvaðrðanir á met tíma, með lágmarksþekkingu og við getum verið vissir um að slíkar ákvarðanir eru slakar.