Nýja varðskipið okkar.

Skipið er smíðað hjá ASMAR skipasmíðastöðinni í Chile og er fullkomnasta skipið sem þar hefur verið smíðað, bæði hvað varðar getu og tækniútfærslur. Dráttargeta skipsins er 120 tonn og ganghraði þess 19,5 sjómílur. Þór er búinn tveimur 4.500 kw aðalvélum, það er 4.2250 brúttótonn, 93,65 m að lengd og 16 m breitt. Varðskipið er hannað af Rolls Royce Marine í Noregi á grunni norska varðskipsins Harstadt sem norska strandgæslan hefur verið með í rekstri frá árinu 2005. Talið er að varðskipið verði eitt allra öflugasta björgunar- og dráttarskipið á N-Atlantshafi

Var í landhelgisgæslunni á mínum yngri árum. Man eftir því að þessi vera var það næsta sem ég hef komist heraga. Auðvitað var þetta ekki her, en þetta var og er lögregla hafsins. Hafði á mínum skólaárum verið öll sumur á fiskiskipum þannig að það voru veruleg viðbrigði að koma í gæsluna. Hugsa oft til þessa tíma og þeirrar mikilvægu vinnu sem unnin er í landhelgisgæslunni.

Það voru miklar fréttir 2004/2005 þegar umræða  um nýtt varðskip komust í hámæli.

Skipið var sjósett í apríl 2009 og síðan hefur lítið verið um það rætt. Þær fréttir sem síðar hafa komið er af óförum skipsins þegar risaalda gekk þarna á land vegna jarðaskjálfta úti fyrir ströndinni.  Skipið var þá í þurrkví, það fylltist af sjó hallaðist í kvínni og allt fór á annan endann.  Tjón á skipi  og vélbúnaði svo og öðru varð verulegt. Smíði skipsins er ekki enn lokið

Einnig eru fréttir um  hækkaðan smíðakostnað. Talan 1.100 m kr. er nefnd í þessu sambandi.  Smíðakostnaður samtals gæti þá verið um 7-8 milljarðar króna á gengi dagsins í dag.

Á saman tíma og verið er að smíða þetta nýja og dýra skip í fjarlægu landi, er ekki hægt að halda úti núverandi skipaflota landhelgisgæslunnar. Fjölmiðar hafa greint frá tilraunum til að leigja eitt varðskipið í erlend verkefni, en samningar við áhöfn hafa ekki tekist.

Hvernig hið nýja skip passar inn í þessa mynd og fjárhagsstöðu þjóðarinnar, hlýtur að vera öllum velunnurum landhelgisgæslunnar áhyggjuefni.

Verður það mögulega hlutskipti þessa skips að fara strax í leigu eða sölu erlendis vegna stöðu landhelgisgæslunnar. 

 

 

 

Athugasemdir

[Jóhann Elíasson, 17.3.2011 kl. 10:45]

ESB-báknið býður alveg sveitt eftir að "leigja" þetta skip í Miðjarðarhafið, enda hafa Íslendingar viðurkennt það að þeir hafi ekkert með skip að gera...............................

[Kristinn Pétursson, 17.3.2011 kl. 14:59]

Gaman að lesa þessa færslu.

kv   KP

[Valdimar Samúelsson, 17.3.2011 kl. 18:49]

Ég er hér í Nýju Bedford þá gömlu góðu hvalaskipa höfn og var að segja vini mínum að Alaska menn hafa einn 50 ára gamlan kláf sem varðskip þ.e. Coast Guard sem er lítið stætti en gömlu varðskipin okkar. Hvernig ætlar gæslan að láta þetta borga sig þegar það er ódýrara að lofa skipum að stranda en að bjarga þeim.

[Valdimar Samúelsson, 17.3.2011 kl. 18:59]

Ætla að bæta við þetta skip er 67 ára gamalt eða frá 1944 og var afskráð frá coast Guard Mér sínist þeir bara notast við þyrlur í dag. http://coastguard.dodlive.mil/index.php/2011/03/queen-of-the-fleet-decommissions/  Hvað erum við búinn að fara í gegn um mörg skip. Meiri leppalúðarnir á Íslandi.

[Jón Atli Kristjánsson, 17.3.2011 kl. 22:22]

Takk fyrir þessar færslur, ætla að skoða þetta betur sem þú sendir Valdimar. Bestu kveðjur.