Stjórnmálamaður með hugsjónir

 

Hanna Birna Kristjánsdóttir oddviti Sjálfstæðismanna í Reykjavík var í morgun sunnudag  6.3 í viðtali á RÚV.

Hanna Birna er kona með skoðanir og hugsjónir um breytingar í stjórnmálum.  Gaman að hlusta á stjórnmálamann með hugsjónir, svona til tilbreytingar, frá þessum endalausu spjallþáttum.

Hanna Birna þarf að setja hugmyndir sínar á blað, hafi hún þá ekki gert það áður og þau skrif farið framhjá mér.  Ekki síst fyrir framtíðarnefnd flokksins. Skrifin væru þá um borgarstjóra tíð hennar og þá tilraunastarfsemi í stjórnmálum sem þá var reynd.

Ekki ætla ég mér þá dul, að endursegja það sem hún sagði í þessum þætti. Í stuttu máli finnst mér það vera:

• Stjórnmálamenn eiga að brjótast út úr þröngri flokkshyggju, og vera óhræddir við breytingar, þvert á flokkslínur,
• Upplýsingar, grunnur ákvarðatöku, eigi að vera öllum aðgengilegur, meiri og minnihluta. Engin leyndarmál,
• Það jákvæða sem vinnst með slíkri samvinnu, bætir margfalt upp þá mögulegu pólitísku ókosti, er kunna að felast í því, að málefnastaða flokkanna er ekki eins skýr í augum kjósandans.

Þetta var skemmtilegur þáttur og ástæða til að benda á hann, fyrir áhugafólk um stjórnmál.

Athugasemdir

[Sigurður Þorsteinsson, 8.3.2011 kl. 16:48]

Hanna Birna er sannarlega óvenjulegur stjórnmálamaður. Nú þegar gríninu er lokið, þá sjá menn að hún var tvímælalaust besti kosturinn.