Herstjórnarlist Alexanders.

Alexander mikil var mikill hershöfðingi og lagði undir sig hálfan heiminn. Margir hafa dáðst að hans sigrum og herstjórnarlist.  Ævi þessa manns var sigurganga en endir hennar sorglegur.

Í bók um Gunnar Thoroddsen er sagt frá helstu þáttum herstjórnalistar Alexanders:

1.     Frábær nákvæmni, vandvirkni, ítarleiki í undirbúningi og könnun,

2.     Meistaraleg nýting þeirra möguleika er landslagið veitti,

3.     Leifturhraði í hreyfingum og ferðum svo öllum kom á óvart,

4.     Ógnarkraftur þegar árás var gerð,

5.     Skapa, skelk og skelfingu, samanber ýmis dæmi um eyðileggingu borga sem Alexander hertók.

Í umræddri bók skildi maður það svo að Gunnar hefði notað þessa tækni í sinni pólitík.

Sagt er að allt sé leyfilegt í ástum og pólitík.  Ég læt öðrum það eftir að ákveða hvort þessar aðferðir Alexanders passa þeim í ástum og pólitík. Minni hinsvegar á list rökræðunnar og vona að menn sleppi frekar vígaferlum og drápum.           

Athugasemdir

[Sigurður Þorsteinsson, 13.1.2011 kl. 11:08]

Miðað við núverandi stöðu í pólitíkinni, heldur þú ekki að rökræðan eigi betur við?

Það má þó ýmislegt af herstjórnarlist Alexanders læra. A.m.k. til að varast!

[Jón Atli Kristjánsson, 13.1.2011 kl. 12:29]

Samræðupólitík er nýtt orð sem ég hef lært.  Allt gott og blessað að segja um góða umræðu, en hún verður að leiða til niðurstöðu og svo aðgerða. Forðumst neikvæða umræðu og niðurrif. Mitt áramótaheiti er að leggja gott til mála og vera jákvæður. Það vantar meiri drift í þetta þjóðfélag okkar, áhuga og framkvæmdahug. Reyndar er mjög margt gott að gerast, þegar grannt er skoðað og við tökum niður gleraugu neikvæðninnar. Hvað get ég gert meira á nýju ári, er spurningin !